kal main tumse na bhi mil paya to kya!

-- by Chirag Jain

kal main tumse na bhi mil paya to kya
muzhe har khamoshi mein sun paoge tum
najarein zhukakar bas ek nagma hi gun-guna lena
muzhe uske har shabd mein paoge tum

kal main tumse na bhi mil paya to kya
muzhe har pal paas paoge tum
bankar rahoonga jaise ek saaya tumhara
muzhe har khwab mein paoge tum

kal main tumse na bhi mil paya to kya
muzhe tasweer ke har rang mein paoge tum
jab bhi andhera sa lage to ek chirag jala dena
muzhe apni hi parchai mein paoge tum

kal main tumse na bhi mil paya to kya
meri mahak har phool mein paoge tum
patzad mein jab dil udas ho to jara bahar ghum lena
mera ahesas har tute patte mein paoge tum

kal main tumse na bhi mil paya to kya
muzhe har arman, har aarzoo mein paoge tum
dil roye to ashkon ko rokane ki koshish mat karna
muzhe un aankhon se baraste har sawan mein paoge tum

kal main tumse na bhi mil paya to kya
kal main tumse na bhi mil paya to kya
main jaate jaate tumko itna bebas kar jaunga
ki meri majar par do aansu bahane to aaoge tum